العنف منذ الصغر
أول درس في العنف لما كنا صغار هو غرفة الفيران...وكانت أول درس في ثقافة العنف المكتسبة .. الغرفة الوهمية إلي كانو يهددونا فيا بالمدرسة يعني كلام الانسة إللي بدي أسمعو عم يحكي بدي حطو بغرفة الفيران
كمان العنف النفسي اللي كان يتمارس من قبل الأهل
يعني الكلمات اللي كنا نسمعا دائماً
مثلاً : والله لأفرمك - والله لكسرك - بدي كسر ايديك - بدي اقبرك - بدي أهري نعمتك - اذامابسلخ جلدك عن عضمك - والله لأعجقك عجق ..................الخ
في مصطلحات عنف كانت تعتمد على الطب
والله لشيل عيونك - والله لطير راساك - يشوفك الحكيم ويهز براسه - والله لأقرف رقبتك وحملك ياها - والله لأقص عصبك ( أو لسانك أو إيدك ) لا فرق
في عنف مشتق من الكلام الوطني
والله لأطرقك كف خلي سنانك تمشي مسيرة قدامك
في عنف مشتق من الحيوانات
والله لخليك تقاقي ماتلاقي - والله لخليك تعوّي متل الكلب
وفي عنف رومانسي
والله لفرجيك نجوم الضهر اللي صارت معروفة عنا أكثر من نجوم الليل
في عنف دبلوماسي أكيد عرفتوا
هو هديك اللحظة اللي بيجي فيا الوالد الكريم حامل معو صحن سيكارتو وبيقلنا: تعال بابا نتناقش بهدوء اعتبرني رفيقك
وبغباء الابن المعهود منصدق وعند أول اختلاف وجهة نظر بيناتنا"طبعاً بابا"وبس نقول :بس يا بابا هدا رأيي....
بيطفي الوالد سيكارتو وبيطفي وجهة نظرنا بكلمة وحدة ولك "...."صار عندك وجهة نظر !! اسمع ولك نص نصيص
كبرت ولا صغرت .. طلعت ولا نزلت .. بضلك تحت هالـ"...."و مابيمشي غير اللي أنا بقولو قوم ولك !! جيل اّخر زمن .. والله عال
حتى صار عنا عنف باعترافاتنا العاطفية
يعني اذا حبينا حدا منقلو.. تقبر قلبي - تطلع على قبري وغيرو كتير من المفردات الي مليانة عنف
وأخيراً تقبروني قديشكن صبورين على هالموضوع .. ودمتم سالمين من كل عنف
أول درس في العنف لما كنا صغار هو غرفة الفيران...وكانت أول درس في ثقافة العنف المكتسبة .. الغرفة الوهمية إلي كانو يهددونا فيا بالمدرسة يعني كلام الانسة إللي بدي أسمعو عم يحكي بدي حطو بغرفة الفيران
كمان العنف النفسي اللي كان يتمارس من قبل الأهل
يعني الكلمات اللي كنا نسمعا دائماً
مثلاً : والله لأفرمك - والله لكسرك - بدي كسر ايديك - بدي اقبرك - بدي أهري نعمتك - اذامابسلخ جلدك عن عضمك - والله لأعجقك عجق ..................الخ
في مصطلحات عنف كانت تعتمد على الطب
والله لشيل عيونك - والله لطير راساك - يشوفك الحكيم ويهز براسه - والله لأقرف رقبتك وحملك ياها - والله لأقص عصبك ( أو لسانك أو إيدك ) لا فرق
في عنف مشتق من الكلام الوطني
والله لأطرقك كف خلي سنانك تمشي مسيرة قدامك
في عنف مشتق من الحيوانات
والله لخليك تقاقي ماتلاقي - والله لخليك تعوّي متل الكلب
وفي عنف رومانسي
والله لفرجيك نجوم الضهر اللي صارت معروفة عنا أكثر من نجوم الليل
في عنف دبلوماسي أكيد عرفتوا
هو هديك اللحظة اللي بيجي فيا الوالد الكريم حامل معو صحن سيكارتو وبيقلنا: تعال بابا نتناقش بهدوء اعتبرني رفيقك
وبغباء الابن المعهود منصدق وعند أول اختلاف وجهة نظر بيناتنا"طبعاً بابا"وبس نقول :بس يا بابا هدا رأيي....
بيطفي الوالد سيكارتو وبيطفي وجهة نظرنا بكلمة وحدة ولك "...."صار عندك وجهة نظر !! اسمع ولك نص نصيص
كبرت ولا صغرت .. طلعت ولا نزلت .. بضلك تحت هالـ"...."و مابيمشي غير اللي أنا بقولو قوم ولك !! جيل اّخر زمن .. والله عال
حتى صار عنا عنف باعترافاتنا العاطفية
يعني اذا حبينا حدا منقلو.. تقبر قلبي - تطلع على قبري وغيرو كتير من المفردات الي مليانة عنف
وأخيراً تقبروني قديشكن صبورين على هالموضوع .. ودمتم سالمين من كل عنف