من نوادر حسني مبارك

من نوادر حسني مبارك



الرئيس حسني مبارك بالطيارة قرر يرمي 100 جنيه
يفرح بها عائلة مصرية
قالت زوجته: خليهم خمسينتين وفرح عايلتين
قال ابنه: خليهم 25 وفرح أربع عوايل
قال كابتن الطيارة: يا عم أرم نفسك وفرح 70 مليون مصري.
-----------------------
علاء مبارك شارك في من سيربح المليون ......
وصل لآخر سؤال، السؤال: من هو أكبر حرامي في مصر ؟
طلب مساعدة صديق واتصل بأخوه جمال وقاله السؤال
رد عليه أخوه: انسحب باللي كسبتوا وما تخسرش أبوك!!
---------------------------------------------------------------------------------------------------------

مره حسنى مبارك راح مدرسه ابتدائى فلما جت فتره الاسئله ولد رفع ايده
مبارك ساله اسمك ايه فقاله رامى فقاله ايه سؤالك يا رامى ؟
رامى : انا عندى اربع أسئلة

1. ليه انت رئيس بقالك 25 سنه ؟

2. لسه معينتش نائب ؟

3. ليه ولادك ماسكين كل حاجه فى البلد ؟

4. ليه مصر حالتها الاقتصاديه زفت و انت مبتعملش حاجه؟


ساعتها بالضبط رن جرس الراحه وبعد الراحه رجع مبارك وقال احنا كنا فين بقى؟
مين عنده سؤال؟
ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟
تامر : انا عندى 6 اسئله

1. ليه انت رئيس بقالك 25 سنه ؟

2. لسه معينتش نائب ؟

3. ليه ولادك ماسكين كل حاجه فى البلد ؟

4. ليه مصر حالتها الاقتصاديه زفت و انت مبتعملش حاجه ؟

5. ليه جرس الراحه رن ربع ساعه بدري ؟

6.. وبعدين فين رامى ؟؟؟؟؟؟ !!!!!


------------------------------------------------------------------------------------------------------------------------------------------------------------------------


مبارك : عارف يا ابليس ياخويا, انا عاوز اعمل في الشعب المصري حركه تطلع من نافوخهم
أبليس : طب هات ودنك وخد الفكره دي .....وش وش وش وش
مبارك : لالا يا ابليس الفكره دي مش نافعه , عاوز حاجه أشد
أبليس : طب خد دي ...... وش وش وش وش
مبارك : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه
وش وش وش وش وش
ابليس : لا يا راجل حرام عليك

------------------------------ ----------------------------------------------------------------------------


واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس حسنى مبارك خطفوه و الفدية 5 مليون $ دولار
و لو الفدية ماتدفعتش .. الخاطفين هددوا يدلقوا عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل : " و في المتوسط الناس بتتبرع بكام"
الرجل الثاني : " من 5 الى 10 لتر بنزين .


------------------------------------------------------------------------------------------------------------------------------------------------------------------

---------------------------------------------------------------------------------------------------------------------------------------------------------------------

واحد سأل المغنى سعد الصغير ... إنت ما غنيتش للريس ليه زى الباقيين ....

سعد الصغير قاله : إزاى طبعاً غنيت !!!

قاله : غنيت إيه ؟؟؟

سعد الصغير قاله : غنيت له طبعاً " بحبك يا حمار " ...

-----------------------------------------------------------------


بيقولك واحد تانى لقى الفانوس السحرى ودعكه طلعله العفريت
و قالــــــه: شبيك لبيك تطلب أيه ؟
قاله الراجل : أنا عايز كوبرى بين القاهره و أسوان
العفريت قاله : دى صعبه قوى .. نقى حاجه تانيه
الراجل قاله : خلاص خلى حسنى مبارك يسيب الحكم
العفريت قاله : أنت عايز الكوبرى رايح جاى ولا رايح بس


---------------------------------------------------------------------------------------------------------------------------------------------------------------------


إخبرنى بصراحة يا نظيف ولا داعى للمجاملة أو النفاق .
نظيف : أمرك يا ريس
الريس : أنا الأفضل و لا عبدالناصر ؟
نظيف : انت طبعا يا ريس .. جمال مين دا اللى كان بيخاف من الروس !!
الريس : طيب أنا الأفضل ولا السادات ؟
نظيف : سادات مين دا ياريس اللى كان بيخاف من الأمريكان !!
الريس : طيب أنا الأفضل ولا عمر بن الخطاب ؟
نظيف : انت طبعا يا ريس .. عمر بن الخطاب دا كان بيخاف من ربنا .. إنما انت لأ ... !!!

هههههههههههههههههههههههههه
حلوى منك
احلى وحدة تبعية الطالب
يسلمو ايديك والله شي حلو
تقبل مروري
...تمنياتي لك يالتوفيق...

شكرا ع المروووور ونورت الموضوع هلا فيك جار القمر

هههههههههههه
يسلمو
وتقبل مروري

حياك ابوعبدالله

بصراااحة كتير قوييية


على فكرة انا زعلانة كتييير ... لأنو اصلا نحنا ما دخلنا فيهم اذا اغلب شعبو بحبو ,,, وها سوا كتير شغلات منيحة عشان شعبو


ليش لحتى انتو تتمصخرووو عليه

وبكفي نم عالناااس هويييدي ماااشي ..

تقبل مروري ,, مع اني متأكدة انك ما رح تتقبلو بس غصبن عنك .. هع هع

هههههههههههه لا ولو حياكي الله


هو اكيد اي رئيس جمهورية رح يخدم شعبوا


بس بتوقع لازم ما يضر الدول التانية و خاصة المجاورة



و حياكي الله و اهلا وسهلا

بس اذا كان مساعدتها رح تضر شعبو فشعبو اولا ولا انا غلطااانة ؟؟؟


اول شي افهمو ليش هيك عمل بعدين احكووو ...

ممممممممممممممممممم


نحنا فهماانييين بس ......... خليني ساااكت


ههههههههه