نار الثورة

صاح رجـــال الشام بيوم ...
الشعب السوري ما بينذل



تردد صوتك يــــــا مظلوم ...
وبتلالك يا درعــــــــــــــا هل



صحّى المجرم من النوم ...
وأطفــــــــــــالك والله اعتقل



قلّع لظفـــار ..... وبجنون ...
قتل الشــــــــــــــباب العزّل



ثارت درعا عالمســــؤول ...
بدنا نحاســـب هل المختل



وفزعت كل حوران تقــول ...
بركـــــــان الثورة اشـــــتعل



بعد اليوم ما في خـــوف ...
ولّــــــت ايـــامك يــــــــــا ذل



لا بشـــار ولا مخلـــــوف ...
احـــــــــــــزم أغراضك وارحل



بيكفينا ســين وســـوف ...
شـــــــــبعنا من كذب ودجل



من هل لحظة رح تشوف ...
كل ســــــــــــوري فينا بطل



عريان الصدر ومكشـــوف ...
مســـــــــــــلح أخلاق ومُثُل


وبدومــــــا صاحت الأُلوف ...
بالدم نفديك يا ســــــــــهل


دم الشـــهدا صار سيول ...
ســــــــــقى التراب و أوحل


حمص وبانيـــاس وقابون ...
والكســــوة ورجـــال التـــل


وبالبيضـــــا بكيت العيون ...
من أفعـــــالك يــــــــــا نذل


وبالقامشلي وديــر الزور ...
كل الشـــــــــــــباب احتفل


بعرس الشــهيد المغدور ...
حتى دروزك يــــــــــــا جبل


بعون الله الشعب منصور ...
وحكم الظــــــالم رح ينحل


هاذي ابيــــــات المقهور ...
ســـــــــــــطرها و كله أمل


يســــتشهد بأرض النور ...
ويلقى ربه بهـــــــــــالعمل


بقلم : بعث ابازيد

صح لسانك يا الغالي

صح لسانك
وشكرا ع الطرح الرائع

صح لسانك و شكرا لك ..